कर्णाटकसंस्कृतविश्वविद्यालयेन यु.जि.सि.नियमानुसारेण स्वायत्तेषु सर्वेष्वपि महाविद्यालयेषु राष्ट्रियसेवायोजनायाः (NSS) कश्चित्घटकः स्थापनीय इत्यादिष्टम् । तदनुसारेण २०१४ तमे वर्षे दशम्बरमासे एकोनविंशे दिनाङ्के (19.12.2014) अस्मन्महाविद्यालयेऽपि रा.से.योघटकः कश्चित् स्थापितः । एतेन विद्यार्थिनां यथा प्रयोजनं वर्तते तथा समाजस्यापि । रा.से.योजनेन छात्त्रः यथा स्वतन्त्रतया प्रवर्ध्यते तथा समुदायगततयापि । एतेन छात्त्रस्यात्मनि विश्वासो वर्धते । किञ्चायं नायकत्वप्रयोजकान् गुणान् वर्धयति तथा समाजगतानां नानाविधानां जनानां स्वभावादिविषयकं ज्ञानं जनयति ।
अस्य ‘not me but you’ (एष जीवामि न मदर्थं किन्तु त्वदर्थम्) इति यद्धेयवाक्यं वर्तते तत्प्रजाप्रभुकशासनस्य मूलभूतं नियमं प्रतिपादयति, परावलम्बनं च ह्रसयति, रा.से.योछात्त्रेषु अन्येषां प्रीतिपूर्वकमभिमानं जनयति तथा अन्येष्वपि जीविषु आदरमुत्पादयति ।
